DAVAO CITY – Padayon karon ang gipahigayon nga monitoring sa kapulisan ug kasundalohan kalabot sa gikanayong nga tulonghaan nga nalambigit sa pagpang-recruit sa mga estudyante nga mosulod sa kalihokan sa rebelden New People’s Army (NPA).
Una ng gibutyag ni Police Senior Supt. Marcelo Morales, director sa Police Regional Office (PRO) 11, nga adunay mga unibersidad sa Davao region ang nalambigit sa susama nga mga binuhatan.
Gitataw sab sa opisyal nga aduna na sab sumala pa silay nailhan nga personalidad nga maoy naga-awhag sa mga estudyante nga mosulod sa kalihokan ug adunay mga tinun-an usab nga hingpit na nahimong miyembro sa NPA.
Gitataw sab ni Morales nga pipila sab sa mga estudyante ang nagsugod na sa ilang kalihokan pinaagi sa pagsalmot sa mga lihok protesta ingon pag-edukar sa mga kabataan batok sa kagamhanan.
