DAVAO CITY – Makadawat ug pasidungog ang kapolisan sa Davao Region gumikan sa maayong performance.
Kalakip sa makadawat niini ang Davao Provincial Police Office, Davao City Police Office, ug ang Regional Mobile Force Battalion.
Naggikan ang award sa Kampo Crame diin si PRO-11 Director Police Chief Superintendent Manuel Gaerlan ang nanguna sa pagtunol niini ngadto knaila ni DCPO Director Police Senior Supt. Alexander Tagum, Davao del Norte Provincial Police Office Director Police Senior Supt. Allan Manibog, Davao del Sur Provincial Police Office Director for Operation Police Supt. Emilda Bernasur, ug Davao Oriental Provincial Director Police Senior Supt. Jose Albayalde Kuseda, Comval Provincial Police Office Director Police Senior Supt. Roderico Roy, Regional Mobile Force Eleven Commander Police Senior Supt. Arnold Palomo, ug Davao Occidental Police Provincial Director Valiente Cuyos.
Nasayran gikan kang PRO-11 Spokesperson PCI Milgrace Cajes Driz nga sa Performance Governance System nakuha ang proficient Status sa kapolisan human human nga nakab-ot niini ang tulo ka phase sa proficiency evaluation process, sama sa strategic readiness test, performance audit, performance governance reporting o rebalida sa compliance stage.
Nakuha sa lima ka mga Police Provincial Office, DCPO, ug RMFB ang 95 porsiento nga grado.
Gihatagan sab ug proficient status gain ang mga nahisgutan.
Sunod nga kab-oton sa PRO-11 ang institution stage sa PGIAS sa PNP Patrol Plan 2030.
Nagmapasalamaton ang PRO-11 ug nasakopan nga kapolisan sa nakab-ot nga Silver Award, ug sa mga advisory council sa tibuok rehiyon sa paghatag ug mga inputs ug pgpakigpahat niini sa ilang best practices.
