DAVAO CITY – Patay na paghi-abot sa Davao del Sur Provincial Hospital ang driver sa usa ka motorsiklo human kini mabangga sa puno-an lubi mga alas 11:00 ang takna kagabii sa Punta Biao, Barangay Cogon, Digos City.
Naila ang biktima nga usa ka Ruel Sinarillos Pabroa, 21 anyos, ulitawo, residente sa Punta Biao, Barangay Cogon, Digos City.
Sakay sa iyang motorsiklo ang biktima ug nagsubay sa karsada sa Barangay Cogon, apan gumikan sa kakusog sa dagan niini wala na kini makaliko pghi-abot sa kurbada nga bahin ug diretso nga nabangga sa daku nga puno-an sa lubi.
Nakahi-agum ang biktima ug grabe nga bali sa iyang kalawasan ug miliki ang bagulbagul niini.
Gisapopo ang biktima ug guidali sa pagdala sa Davao del Sur Provincial Hospital apan gi-deklarang patay.
Labihang gubaa sab sa motorsiklo sa biktima.
Gipahiluna na ang patay nga lawas sa biktima sa lokal nga punerarya sa dapit.
