DAVAO CITY – Gitataw sa City Transport and Traffic Management Office (CTTMO) nga dili angay nga mo-pick-up ug pasahero sa gawas sa Davao City Overland Transport Terminal (DCOTT) sa Ecoland ang bus sa Metro Shuttle.
Sumala pa kang CTTMO head Deonesia Abude pgsupak sa prangkesa ang gihimo sa Metro Shuttle gumikan kay terminal to terminal ang biyahe niini.
Dugang pa ni Abude nga wala sila’y gipahimutang nga loading ug unloading area sa redemtorist church diin naga-pasakay ug pasahero ang Metro Shuttle Bus.
Hinoon gipaklaro ni Abude nga ang Land Transportation Franchising ang Regulatory Board (LTFRB) ang angay nga modakop sa Metro Shuttle Bus.
Dugang pa ni Abude nga gumikan kini sa matag kalapasan sa kompanya sa franchise niini.
Giawhag sab ni Abude ang publiko nga itaho sa ilang buhatan ang plate number sa mga bus nga magpasakay ug pasahero ug mag-torno gawas sa Davao City Overland Transport Terminal.
