DAVAO CITY – Wala pa’y nahunahuna-an nga motibo sa natigayon nga ambush kagahapon si Autonomous Region in Muslim Mindanao (ARMM) Second District Assymblyman Cedec Ameril.
Kahinumduman nga usa ang patay human banhigi sa mga armadong tawo ang sakyanan sa assemblyman ARMM sa Buhangin ning dakbayan sa Davao kagahapon sa hapon.
Pasado alas 2:00 kagahapon sa hapon sa dihang gi-ambush ang sakyanan ni ARMM Second District Assemblyman Ameril sa Chico St., Ciudad de Ezperanza.
Patay ang usa ka sakop sa Assemblyman nga sakay sa likod nga bahin sa pick-up nga naila nga usa ka Beri Atas. Sakay sa front seat si Ameril, samtang anaa sa likod sa sakyanan ang upat pa ka mga kaubanan niini.
Wala nasamdan ang mga pasahero gumikan kay naka-bullet proof ang pick-up.
Sumala pa kang Assemblyman Ameril gikan siya sa usa ka mall sa dakbayan ug pauli na unta sa iyang balay sa Buhangin dihang kalit na lamang nga milanog ang boto sa mga armas sa likod nga bahin sa sakyanan.
Saysay ni Ameril nga sakay sa ka silver nga van ang mga armado. Dugang pa sa opesyal nga wala sila’y nahuna-huna-an nga motibo sa nahisgutan nga ambush.
