DAVAO CITY – Patay na ang giila nga serial rapist nga si James Barrete Narte, 35 anyos, residente sa Purok 10, Libby Road, Bago Osiero, ning dakbayan sa Davao human mangilog ug armas.
Sa pakighinabi sa Bombo Radyo Davao kang PCI Ronald Lao, hepe sa Talomo Police Station gipagula sumala pa sa silda ni PO1 Ambong, buntis nga babayeng police ang suspek nga rapist aron nga makuhaan ug finger print mga alas 7:30 kaganinang buntag sa sulod sa traffic section sa Talomo Police Station, apan kalit nga giilog sa suspek ang Glock nga armas sa police.
Gilayon nga mi-responde ang usa pa ka babayeng police diin nakaboto ang armas ug naigo ang kesame sa police station.
Napusilan ang rape suspek ug dead on arrival sa Davao Adventist Hospital.
Duna’y igo ang biktima sa tuo nga kanang panga, sa dughan ug sa ubos sa dughan.
Duha sa mga igo niini milapus sa likod nga bahin.
Si James Narte, 35 anyos ang suspek sa pagdagit, paglugos ug pagpatay sa dese sais anyos nga biktimang si Rea Manila, usa ka estudyante mga alas 6:30 niadtong Biernes sa gabii.
Nasayran sab gikan kang Lao nga na-ospital sab ang duha ka mga police nga babaye nga mao ang giilogan ug armas ni James ug ang babayeng police nga mao ang nakapusil sa suspek.
