-- ADVERTISEMENT --
DAVAO CITY – Gimando ni Davao City Mayor Inday Sara Duterte-Carpio ang regular nga pagsusi sa mga LPG sa Roxas Night Market.
Tumong niini nga dili na gayud ma-usab ang pagkasunog sa usa ka stall niadtong Sabado sa gabii gumikan sa miluag nga hose.
Sumala kang Mayor Duterte-Carpio naglaraw kini nga i-pwesto lamang sa usa ka dapit ang mga kan-anan nga nagagamit ug LPG.
Mopatuman sab ang inahan sa dakbayan ug megaphone system nga gamiton sa mga security personnel.
Kahinumduman nga nakamugna ug malisang sa katawhan ang kalit nga pagsilaob sa kalayo human mahuslo ang hose nga nagkonekta sa LPG ug sa burner.
-- ADVERTISEMENT --
