DAVAO CITY – Gipangayo-an ug katin-awan ang mga jail guards kung ngano nga nalutsan kini sa illegal nga druga hinongdan nga daghanan sa mga binilanggo ang migula nga positibo sa paggamit sa illegal nga druga.
Kahinumduman nga nagpositibo sa paggamit sa illegal nga druga ang pipila ka mga binilanggo sa Davao Prison and Penal Farm sa Braulio E. Dujali, sa Davao del Norte.
Gipahigayon ang random drug test niadtong Hunyo 18.
Sumala pa kang Philippine Drug Enforcement Agency (PDEA) eleven Director Antonio Revira nga mikabat ngadto sa trese ka mga binilanggo ang nagpositibo sa drug test nga gikan sa minimum ug maximum security compound.
Kalakip sa gi-drug test ang 44 ka mga personahe sa DAPECOL ug sa Bureau of Corrections (BUCOR) apan migula nga negatibo sa illegal nga druga.
Sa medium security compound unom ka mga binilanggo ang gipailalum sa drug test ug tanan migula sab nga positibo sa illegal nga druga.
Sa maximum security compound pito ka mga binilanggo sab ang nagpositibo.
