DAVAO CITY – Kasong rape with homicide ang kaso nga gihikay sa Talomo Police Station batok ngadto sa usa ka James Narte, 35 anyos, dunay duha ka mga anak, biniyaan sa asawa nga milugos ug nakapatay sa usa ka Rhea Manila, 16 anyos, residente sa Purok 3 Libby Road, Bago usa ka Senior High School Student sa Agro-Industrial Foundation College of the Philippines nga nahimutang sa Ecoland, ning dakbayan.
Sumala pa kang PCI Ronald Lim Lao, hepe sa Talomo Police Station nga gidakop nila ang suspek nga positibo nga namkita sa mga saksi nga mao ang misulod sa biktima gikan sa tindahan, diin kini nagpaload ug cellphone.
Nasayran nga alas 6:00 sa gabii kini gisugod ug nakita na lamang sa mga kabanay ang patay nga lawas niini sa bakanteng balay dili lamang layo sa pinoy-anan sa biktima.
“Arrested naman nato ang suspek no, si James Narte, 35 years old, taga-didto ra kay naa may mga witnesses nga mao mitudlo sa suspek nga mao ang nakita niadtong gabhi-ona. Naa pod ta’y usa ka witness nga nakakita nga gibira niya ang biktima niadtong oras nga gikan nagpa-load sa usa ka loading store…sweto siya nga wala’y tawo sa balay kung gabii na.” Pahayag ni PCI Roland Lao, hepe sa Talomo PNP.
Dugang pa ni PCI Lao nga pinasikad sa ilang imbestigasyon gisundan sa suspek nga si Narte ang biktima sa wala pa kini matigwalai sa pamilyang Manila.
Daw nahimong manyak ang suspek human nga gibiyaan sa asawa niini gumikan sa pagkapalahubog.
Dugang pa ni Lao nga niining milabay nga adlaw usa ka babaye sab ang gikukod ug gitinguhang lugoson sa suspek apan misukol kini.
Na-recover sa crime scene an g daku nga puno-an sa kamunggay ug ang peace towel nga iyang sa suspek.
“Naa mga bun-og ang biktima ug nakuha sa SOCO ang punoan sa Kamunggay nga mao ang gigamit sa suspek sa pagpospos sa ulo sa biktima. Niadtong Dominggo duna sab siya’y gilook nga babaye diha, apan misukol ang biktima ug naka-ikyas. Gikukod siya sa suspek hangtud sa gate sa ilang balay.” Dugang pahayag ni PCI Ronald Lao, hepe sa Talomo PNP atol sa pagpakighinabi sa Bombo Radyo Davao.
