DAVAO CITY – Alerto ang mga sakop sa City Disaster Risk Reduction and Management Office (CDRRMO) human ang pagbundak sa kusog kagabii nga maoy hinungdan sa pagbaha sa pipila ka mga lugar sa dakbayan.
Matud pa kang Rodrigo Bustillo, City Disaster Information officer, nga dakong bahin sa dakbayan ang gi-ulan kagabii hinungdan nga gibaha ang pipila ka mga kadalanan sa dakbayan partikular na sa JP. Laurel Avenue sa Bajada ug pipila ka bahin sa downtown area.
Kalakip sab sa ilang gimonitor ang pagsaka sa tubig baha daplin sa mga kasapaan.
Gipasabot ni Bustilo nga bisan daghan ug drainage ang dakbayan, pipila sumala pa sa mga tinubdan sa pagbaha sa kadalanan mao ang pagbara sa mga basura.
Gikanayon sab ni Bustillo nga nakatampo sab ug dako sa daling pagsaka sa tubig baha ang pagtabon sa mga waterways ug mga istraktura busa angayan sumala pa nga dili kini hilabtan ilabi na nga walay mga indibidwal nga nanag-iya niini gawas lamang sa estado.
Dili sab sumala pa kinahanglan nga usbon ug hilabtan ang mga waterways ilabi na nga natural lamang kini nag gimugna aron nga mabalanse ang ecosystem.
