Mga PUJ drivers supak sa pagpatuman sa discount sa mga estudyante kung walay klase

DAVAO CITY – Dugay na matud pa nga uyon ang Southeastern Mindanao Diversified Drivers & Operators Cooperative (SEMDDOC) sa 20% nga discount sa mga estudyante apan supak na sila nga ipatuman kini bisan walay klase.

Sumala ni Manuel Duran sa SEMDDOC, dili na matud pa patas alang sa mga drayber nga nanginabuhi usab alang sa ilang pamilya rason nga muhimo sila og lakang aron petisyonan ang sugyot nga ipatuman pa gihapon ang 20% discount bisan nga wala misulod sa tulunghaan ang mga nahisgutan.

Tambag karon ni Duran ngadto sa mga tinun-an nga ipresenta gayud ang ilang ID cards ngadto sa mga drayber ingon man mihangyo kini nga unta sensilyo ang ilang ibayad aron nga dili na maglisod ang mga nahisgutan.