DAVAO CITY – Hugtanon nga seguridad ang gipatuman karon sa Davao City Police Office (DCPO) aron lamang masiguro ang seguridad sa palibut ilabi na nga anaa na karon sa nahisgutan nga buhatan si Elizalde Tormis Canete, alias Jingoy, 36 anyos, Commander sa Pulang Bagani Company, Roc, SMRC ug residente sa Monkayo,Comval.
Kahinumduman nga nag-atubang ang nahisgutan ug 11 ka mga kaso diin sagad niini murder nga walay girekomenda nga piyansa. Tanan nga warrant of arrest gi-isyu sa RTC, 11th Judicial Region.
Temporaryo nga gibalhug sa DCPO si Ka Jinggoy human ang pending nga pag-isyu ug commitment order sa korte. Kahinumduman nga gi-turn over ang suspek pasado alas kuwatro kagahapon sa hapon sakay sa Helicopter sa Tactical Operation Group XI pinaagi sa mga personahe sa Don Carlos Municipal Police, Bukidnon province nga maoy nakasikop sa nahisgutan dinag nagpatambal sa hospital human nga nakaangkon ug samad atol sa nahitabong engkuwentro tali sa 103rd Brigade sa Kitao-tao Bukidnon.
DCPO nagpatuman ug hugtanon nga seguridad human nga temporaryong gibalhin sa ilang kustudiya ang NPA leader.
