6 ka bulan nga bata nga naapil ug kasunog sa ilang balay patay na

DAVAO CITY – Patay na usab ang 6 ka bulan nga bata nga naapil ug kasunog sa ilang pinoy-anan sa Purok 9, San Miguel,Tagum city niadtong milabay nga adlaw.

Kini gumikan kay wala na sumala pa maantus sa bata ang iyang nansinatiang 3rd degree burn.

Kahinumduman nga na-una nang nadala pa sa balay tambalanan ang bata human kini naluwas sa ilang silingan apan wala na kini nakalahutay.

Dungan nga gihaya karon ang duruha ka bata sa covered court sa nasampit nga lugar.

Kahinumduman nga ang mga bata lamang ang nahibilin sa ilang panimalay dihang nahitabo ang sunog human nga milakaw ang ilang amahan aron adunay paliton.

Posible sumala pa nga nagdula ug posporo ang mga bata sulod sa ilang panimalay nga maoy hinungdan sa pag-ulbo sa kalayo.