DAVAO CITY – Gibutyag ni Davao City Vice Mayor Bernard Al-ag nga kinahanglan pa nila ug dugang nga trianing ayha ipatuman ang paperless session sa City Council.
Matud pa sa Bise Mayor nga wala pa nila natapos ang training kung paunsa hingpit nga ipatuman ang paggamit ug laptops nga gihatag kaniya sa lokal nga panggamhanan kini aron nga makunhuran na ang paggamit ug papel sa City Council ug 80 percent.
Subay sa report, ang una ug ulahi nila nga training gipahigayon kaniadtong milabay nga Nobyembre sa milabag nga tuig.
Gikanayong human ang training, gitunol gilayon sa mga konsehal ang laptops nga kantidad sa P50,000 matag usa aron maoy gamiton sa paperless session scheme.
Gikanayong pipila sa mamahimong kalahian niini mao ang dili na paggamit ug mga dagko nga folder alang sa agenda ug attachments sa mga lamesa sa mga konsehal.
Gikanayon sab ni Al-ag nga makighinabi una siya kang majority floor leader Jesus Melchor Quitain Jr., aron makiglambigit sila sa City Archives and Records Center ingon man sa CITC.
