DAVAO CITY – 3 patay samtang lima ang samaron sa nahitabong aksidente nga gilangkuban sa usa ka motor ug usa ka kotse sa Cogon, Kapatagan Provincial Road, Binaton, sa Digos City alas 10 ang takna kagahapon sa buntag.
Naila ang mga biktima nga sakay sa motorsiklo nga sila Helen Langa Mendoza, 54, Julito Rolloque Garrido, 55 kinsa pulos dead on the spot, samtang dead on arrival usab si Paul Angelo Panes, 27, ang drayber sa ilang gisakyang motorsiklo.
Samaron usab ang lain pang pasahero niini nga mga minor-de-edad nga sila Junrey Bangay, 10-anyos ug Jayrolden Bangay, 15-anyos. Sa imbestigasyon, nasayran deperensyado ang break sa kotse nga gimaneho ni Ian Jose Hapol Bayona hinungdan nga nawad-an na kini ug kontrol diin mideritso kini ug mibangga sa kasugat nga motorsiklo.
Nabalitok ang duha ka sakyanan rason nga samaran usab ang mga pasahero sa kotse nga sila Catherine Bayona, 37, Rhian Bayona, 3-anyos, ug Frea Layaga, 17.
Padayong ginatambalan sa ospital ang mga samaron ug ang mga patay lawas sa biktima gipahiluna na usab sa ilang pamilya.
