-- ADVERTISEMENT --
DAVAO CITY – Gilauman sa dakbayan sa Davao nga maghatud ug dako nga epekto ang IronMan 70.3 karong umaabot nga Dominggo, Marso 25, tuig kasamtangan, nga unang higayon nga himuon sa Mindanao labi na gyud dinhi sa rehiyon sa Davao.
Mismong si Davao City Mayor Inday Sara Duterte-Carpio nagbutyag nga naghatud ug epekto labi na sa turismo ang nahisgutang aktibidad. Usa ka semana pa lamang sa dili pa ang maong dako nga event, puno na ang mga hotels sa dakbayan kung asa temporaryong mupuyo ang mga partisipante labi na sa mga delegado nga mga langyaw.
Hugtanon na usab ang pagpangandam sa mga opisyales sa dakbayan sa Davao bisan pa man ang otoridad aron nga masigurong hapsay ug malampuson ang nahisgutan nga aktibidad.
