DAVAO CITY – Andam nga mopataliwala ang Moro National Liberation Front (MNLF) tali sa kagamhanan ug sa Moro Islamic Liberation Front kung ugaling mapakyas ang Bangsamoro Basic Law (BBL).
Kini ang gihatagan ug katin-awan ni MNLF Central Committee Vice Chair Rolando Olamit nga duna sila’y nadawat nga mga impormasyon labot sa plano nga pagsabwag ug kagubot kung ugaling dili mahinayon ang katumanan sa BBL.
Hinoon ginasubay pa sa MNLF kung tinuod kini ug kung gikan ba gayud sa MILF ang nahisgutan nga bahad. Kung ugaling duna kini’y kamatuoran andam ang MNLF nga makighinabi sa MILF aron nga mapugngan ang kagubot gumikan kay duna pa may pederalismo.
Apan kung ang Federalism na ang mapakyas dili lamang sumala pa MILF ang mo-alsa, ug moulbo ang kagubot dili lamang dinhi sa isla sa Mindanao.
