DAVAO CITY – Nasumite na ang final report sa ilang imbestigasyon ang Inter-agency Anti-arson Task Force sa Department of Interior and Local Government (DILG) kalabot sa pagkasunog sa New City Commercial Center (NCCC) sa Maa, ning dakbayan sa Davao.
Mismong si Fire Supt. Gerry Candido, tigpamaba sa Task Force nga ila nang nasumete kang DILG Secretary Eduardo Año ang report human ang gipangayong extension gumikan sa dugang mga dokumento nga gikinahanglan nga malakip aron nga mamahimo nga mas molig-on ang mga kaso sa mga pasakaan ug kaso.
Una nang migula sa imbestigasyon nga electrical short circuit ang gigikanan sa sunog sa 3rd floor labi na sa textile department sa nahisgutang mall.
Nasayran sab pinasikad sa imbestigasyon nga dunay mga pagsupak sama sa alarm system nga dili konektado sa Survey Sampling International (SSI) Office nga mao ang hinongdan nga daghanan ang mga na-trap gumikan kay wala masayud sa nahitabo nga sunog nga nahitabo ug wala gilayon nakakanaug gikan sa 4th floor.
Bisan ang fire exit sa mall di sa pasado sa standard ng Bureau of Fire Protection, ingon man ang wala gagana nga mga water sprinkler nga mao unta ang unang mopalong sa sunog.
Human masumete sa task force ngadto sa kalihim sa DILG, magpa-abot na lamang sila sa final approval alang sa pagpasaka sa kaso batok sa mga dunay tulobagon kalabot sa nahisgutan nga sunog nga mikutlo sa kinabuhi sa 38 ka mga tawo nga kadaghanan ginsakpan sa Survey Sampling International (SSI).
