DAVAO CITY – Manabok na sa partido nga Hugpong ng Pagbabago ang mga konsehal sa dakbayan sa Davao.
Nasayran gikan kang konsehal Boni Militar isip pagsuporta kini sa Hugpong ng Pagbabago nga ubos sa pagpanguna ni Davao City Mayor Inday Sara Duterte-Carpio nga gilangkuban sa mga gobernador sa Davao del Norte, Davao Oriental, Compostela Valley Province ug Davao Occidental.
Dugang pa ni konsehal Militar nga usa ka resolution ang ilang iduso sa konseho aron nga himoong pormal ang ilang pagbalhin sa Hugpong ng Pagbabago ug mo-resign sab sila sa ilang kasamtangan nga political party.
Samtang sumala kang konsehal Deosdado Mahipus nga dili sila magpanagana sa pagsuporta kang Mayor Inday gumikan sa kaayohan nga nahatag niini sa dakbayan sa Davao ug sa pagka-maayong modelo sa natad sa politika.
Samtang sumala pa kang konsehal Pilar Braga kinahanglan nila nga mubalhin ug partido, aron nga magpadayon ang ilang pagsuporta kang Inday Sara ug aron nga padayon nga pagkahi-usa ang mga supporters ni Pangulong Rodrigo Duterte.
