DAVAO CITY – Mitanyag ug mga moderno nga mga medical equipment ang pipila ka mga paramedic gikan sa Norway aron nga magamit sa emergency response dinhi sa dakbayan sa Davao.
Tumong niini nga mas mapakusgan ang operational capability sa Central 911 pinaagi sa usa ka foundation.
Ang nahisgutan nga mga paramedics nakapakigkita na kang Davao City Mayor Inday Sara Duterte-Carpio alang sa nahisgutan nga tumong.
Sumala sa Norwiegian paramedics nga sa ilang nasud paspas ang pag-ilis ug paramedics gear bisan kung magamit pa, mao nga ila na lamang nga i-donate sa dakbayan sa Davao.
Una nang gidayeg sa Norwiegian Paramedics ang katakus sa Central 911 gumikan kay giila kini nga napalambo ug abante na sa natad sa kahimanang medical.
Andam sab ang mga langyaw nga mga para-medics nga mobansay sa nga sakop sa Central 911 alang sa paggamit sa mga i-donate nga mga ekipo.
Sa kasamtangan laraw sa pipila ka mga Norwiegian Paramedics aron nga masayran kung unsa pa ang gikinahanglan sa ambulance Services sa Central 911 sa dakbayan.
