Mayor Inday giawhag ang mga kongresista nga mutingog batok kang House Speaker Alvarez; dakong pasabog atngan ugmang adlawa
Giawhag ni Davao City Mayor Inday Sarah Duterte-Carpio ang mga kongresista nga mutingog batok kang House Speaker Pantaleon Alvarez sa sumala pa dili maayong hinimoan niini sa ubos balauranan sa Kongreso labi na sa pagpahimulos niini sa iyang gahum isip Speaker of the House.
Kini ang nahimong pahayag ni Mayor Inday, human ang sunod-sunod nga pagbatikos nini sa iyang social media account. Gikanayon pa sa mayor nga mas mapanindot pa ang nasud kung dili si Alvarez ang mamahimong House Speaker ug mas mamahimong kusog nga lider usab si Pangulong Rodrigo Duterte kung dili niya kauban sa pagpadagan sa nasud ang nasampit nga opisyal.
Daghan na sumala pang wala nalipay sa iyang pagpadagan sa Kogreso. Samtang gikatakda usab ugmang adlawa nga dunay dakong pasabog si Mayor Inday Sarah bahin kang House Speaker Pantaleon Alvarez.
Sumala pa ni Mayor Inday nga may kalabotan kini sa pagtawag ni Alvarez sa duha ka tao kung diin usab niini si Special Assistant to the President Christopher “Bong” Go.
Wala na hinoon mihatag pa ug dugang detalye apan gikanayon niini nga atngan na lamang ang iyang rebelasyon batok sa House Speaker.
