DAVAO CITY – Gi-aprubahan na sa City Council ang ordinansa nga mohatag ug pagtugot kang Davao City Mayor Sara Duterte-Carpio aron molagda ug Sister City Agreement tali sa Davao ug Marawi.
Ang nahisgutan nga kasabutan ipatuman aron nga i-promotar ang maayong relasyon ug kooperasyon tali sa duruha ka siyudad.
Unod sa sister city agreement nga magtinabangay ang duruha ka siyudad sa pagpalambo sa turismo, trade, investment, ug daghanan pa.
Ilalom sa section five sa kasabutan, nga human kini malagdaan ang partnership sa Marawi ug Davao molungtad ug lima ka tuig ug mamahimong malugwayan pa kini.
Una ng nagpahayag ni Duterte-Carpio sa iyang intensiyon ngadto kang Marawi Mayor Majul Usman Gandamra alang sa pagsulod sa usa ka sister city agreement tali sa Marawi.
Gidawat ni Gandamra ang maong tanyag kaniadtong Nobyembre 31, 2017. Sa milabay nga Disyembre 6, 2017, gi-endorso gilayon sa City Legal Office ang MOA ngadto sa Davao City Investment and Promotions Center.
