DAVAO CITY – Gikataw-an lamang ni Department of Tourism Secretary Wanda Teo ang isyu labot sa Davao nga pinakadelikadong lugar nga adtoan.
Kini ang nahimong reaksiyon sa kalihim human nga gipangutanan sa mga tigbalita atol sa pres conference kung nganong sa dakbayan sa Davao gilusad ang “GO South Philippine Islands Campaign”.
Sumala pa ni Sec. Teo nga walay mutoo kay Sen. Antonio Trillanes nga maoy mideklara nga ang Davao ang numero 1 Sa murder ug ikaduha sa Rape case ug most dangerous City sa tibuok Pilipinas.
Dugang pa ni Sec Teo nga sa dihang padulong siya sa syudad puno ang mga flights padulong sa Davao gani ang mga Hotels puno-puno usab nga nagpamatuod lamang nga walay kamatuoran ang mga pahayag sa nasampit nga Senador.
Dako usab ang pagtoo sa kalihim nga walay maminaw ug mutoo kay Trillanes nga puro pagpangdaut lamang ang ginahimo sa Duterte Administration.
Ang “GO South Philippine Islands Campaign” gilusad sa dakbayan nga usa ka matang sa strategic marketing campaign sa tanang rehiyon sa Mindanao aron nga dunay lig-on ug hiniusang tingog alang sa tibuok isla ug mamahimong usa sa mga destinasyon sa turismo.
Haum sumala pa ang maong kampanya sa ilang target nga mao ang mga millenials.
