DAVAO CITY – Gideklara karon sa lokal nga kagamhanan sa dakbayan sa Dabaw si senador Antonio Trillanes IV isip persona-non-grata.
Kini ang may kalabutan sa pahayag ni Trillanes nga number 1 sa murder, number 2 sa Rape ug most dangerous city ang dakbayan sa Dabaw sa tibuok Pilipinas.
Gawas kang Trillanes, gideklara usab sa syudad nga persona-non-grata si New York-based philanthropist Loida Nicolas Lewis gumikan sa dayag nga pagsuporta niini sa mga kalihukan nga nagtumong aron pahagsaon ang Duterte Administration.
Sa iyang gidusong resolution, gikanayaon ni Vice Mayor Bernanrd Al-ag nga dakong insulto ug dili madawat sa 1.6 Dabawenyos nga naningkamot aron magpayong malinawon sa syudad ang nahisgutang mga pahayag ni Trillanes.
Gihagit usab ni Al-ag ang mga Filipino nga mitambong sa forum ni Trillanes didto sa Chicago nga moanhi sa syudad ug sulayan ang pagsakay ug taxi o kaha jeep, magbaktas sa dalan atol sa tungang kagabhion aron mapamatud-an kung unsa ka malinawon ang syudad.
Gipasalig usab ni Al-ag nga i-refund ang tanang travel expenses sa mga nahisgutan sa higayong mapamatud-an nga tinuod ang mga pasangil ni Trillanes.
Labot niini, gipanganti ni Al-ag nga dili gayud magmalampuson si Trillanes sa pagguba sa dakbayan sa dabaw, pagkapa-ulaw sa mga Dabawenyos ug pagpahagsa kang President Rodrigo Duterte.
