DAVAO CITY – Subling nanawagan ang Environmental groups ning siyudad nga i-ban ang paggamit sa aerial spraying dili lamang dinhi sa dakbayan sa Davao kung dili sa tibuok nasud.
Gihimo sa mga environmentalists ang panawagan atok sa ika-11 nga anibersaryo sa pagpalabang sa city ordinance nga nag-ban sa Aerial Spraying sa tanan nga mga Agricultural Entities sa siyudad.
Kahinumduman nga napalabang ang maong ordinansa atol sa termino ni kanhi Mayor ug karon Pangulong Rodrigo Duterte.
Apan sa gipagula nga desisyon sa Supreme Court, gikonsidera niini nga unconstitutional kaniadtong 2016 ang maong ordinansa human nga gihagit kini Pilipino Banana Growers and Exporters Association Incorporated (PBGEA).
Apan luyo sa maong desisyon sa korte, gibutyag ni Atty. Mark Peñalver, policy advocacy specialist sa Interface Development Interventions (IDIS), nga ipadayon pa gihapon nila ang kampanya sa pag-ban sa aerial spraying sa nasud ilabi na nga posibleng mohatud kini ug dakong risgo sa panglawas ngadto sa komunidad.
Naglaom pa gihapon sila nga mahatagan ug atensiyon ang balaudnon nga pipila ka tuig na giduso ug napalabang.
Subay sa pagtuon nga gipahigayon sa IDIS sa 2011, namatikdan ang traces sa mga pesticides sa hangin ingon man sa mga water samples gikan sa upat ka mga managlahing areas sa Talomo-Lipadas ug Panigan-Tamugan watersheds.
