DAVAO CITY – Gibati na sa mga taxi drivers ang pagnihit sa ilang mga pasahero nga daw milikay na nga mosakay kanila.
Namatikdan sa mga taxi driver nga mas gipili sa mga pasahero ang mga PUJ nga maoy ilang sakyan, gumikan kay mahal na karon ang taxi fare rate.
Sa kasamtangan nga metrohan, kwarenta pesos ang plug down rate, apan matag minuto mapun-an kini ug P2 ug P13.50 matag usa ka kilometros.
Bisan sa mga mall, halos zero ang pagpamasada sa mga taxi driver. Nasubo bisan ang mga taxi driver sa mga taxi nga wala pa na calibrate ang ilang mga unit, gumikan kay lakip na sila sa gilikayan sa mga pasahero.
Halos wala nay sakay ang mga taxi nga naglaras-laras na lamang sa mga kadalanan sa dakbayan samtang nagpangita ug mga pasahero.
Duna may daghanan nga mga pasahero nga nagpa-abot ug mga kasakyan apan mas gipalabi niini nga sakyan ang mga PUJ.
