DAVAO CITY – Gihikay na sab ang mga kaso batok sa mga drug suspek nga nangadakpan kagabii sa Sta. Ana Police Station atol sa gilusad nga drug operation kagabii.
Pulos mga residente sa Mabini Extension, Barangay 31-D ang mga dinakpan lakip na ang tricycle driver nga mi-surrender na kaniadto apan subling mibalik sa pagpamaligya ug illegal nga druga.
Duha ka mga suspek ang gipangposasan nga naila nga sila si Fermel Eltanal ug Jeffrey Rabusa human nakuha-an ug tulo ka mga sachet sa gikadudahang shabu ug marked money sa gilusad nga buy bust operation.
Gi-angkon ni Eltanal nga mitahan na siya kaniadtong 2016, apan napugos sa pagka-drug pusher aron nga dunay magamit sa pagpalit ug gatas sa iyang anak. Sa kwentada mikabat na ngadto sa dese nueve ka mga drug suspects ang nangadakpan sa kapolisan sa Sta.
Ana, sukad niadtong Enero 12 hangtud na niadtong Enero 31 hinongdan nga naggout na karon sa detension cell sa Sta.
Ana PNP. Sa pagkakaron 31 na ang mga binilanggo sa Sta. Ana Police bisan kung alang lamang sa napulo ka mga binilanggo ang ilang bilanggo-an.
