DAVAO CITY – Andam sumala pa si Davao City Mayor Sara Duterte-Carpio nga motambong sa Senado sa higayon nga hatagan siya ug subpoena isip kabahin sa resolusyon nga giduso ni Senator Antonio Trillanes IV nga magpahigayon ug pagdungog kalabot sa mga bank accounts niya ug sa iyang amahan nga si Pangulong Rodrigo Duterte.
Apan kung imbitasyon lamang, wala sumala pay siyay plano nga motambong.
Sumala sa Mayor nga ang kapakyas ni Sen. Trillanes nga maka-presenta ug lig-on nga ebidensiya ingon man dokumento pagpamatuod sumala pa nga walay “sense” ang senador.
Gitino sab niini nga aduna na siya’y abogado sa higayon nga ipa-subpoena siya sa Senado ug gani gitun-an na matud pa ang maong isyu.
Gibutyag sab ni Duterte-Carpio nga wala siyay plano nga pasakahan ug reklamo ang senador ug girespeto niya ang opinyon bisan kung daw naliso-an kini sa iyang panghuna-huna.
