DAVAO CITY – Gikondena sa Armed Forces of the Philippines ang New People’s Army (NPA) gumikan pagpatay sa duha niini ka mga kaubanan sa sa Moncayo, Compostela Valley Province.
Padayon usab nga nanawagan si Capt. Jerry Lamosao, tigpamaba sa 10IB Philippine Army sa publiko sa mga nawad-an ug miyembro sa pamilya.
Gikanayon ni Capt. Lamosao nga nakalutan ang duha ka patay’ng lawas nga sa Brgy. Rizal, Monkayo nga sumala pa gipatay sa mga rebelde. Una niini, dunay nadawat nga impormasyon ang ilang buhatan gikan sa mga surenderee nga dunay gilubong sa nasampit nga lugar.
Hinungdan nga dali usab nga miresponde ang kasundalohan ug didto nadiskobre ang patay’ng lawas sa babaye ug lalaki.
Gihimo sumala pa sa NPA ang pagpatay aron nga ipahibalo sa mga buot nga mu-surender nga sama ang mahitabo kanila ugaling muhawa sa ilang han-ay.
Gitawag usab ni Capt. Lamosao nga dili makatao ang gihimo sa mga rebelde nga bisan ang kaubanan niini walay kasing-kasing nga mipatay. Padayon pa karon nga gisuta ang pagkatao sa mga biktima.
