DAVAO CITY – Dugay nang ginahimo sa DSWD ang pagpamalit ug sinakong mga bugas sa NFA alang sa ilang regular stock filing.
Kini ang giklaro ni Edna Sampiano, ang heat sa Disaster Risk Reduction Unit sa DSWD region eleven atol sa pakighinabi sa Bombo Radyo.
Sumala kang Sampiano, kulang siya ug pagtuo nga sila ang hinungdan nganong nagkulang karon ug supply sa bugas ang NFA Davao sama sa ginapasi-atab sa usaka opisyal niini.
Gikanayon ni Sampiano, ang DSWD ang adunay gina-maintain nga ginatawag ug regular stock filing alang sa 30 mil ka mga pamilya nga kinahanglang ahatagan ug mga food packs.
Kini ang ginahatag ngadto sa mga apektadong residente sa matag higayon nga adunay mahitabong kalamidad, sunog ug uban pa.
Sa maong panahon naga-palit ang DSWD sa NFA ug mokabat sa 3,600 ka mga sako sa bugas nga ilang ginapondo usab ngadto sa ilang mga warehouses aron kung naay mga panghitabo dali lamang nga maka-responde ang ilang buhatan.
Gani, sa nakalabay nga kalamidad – sa bagyong Vinta, ang DSWD ang mipalit ug 7,200 ka sakong bugas sa NFA.
