Mga residente duol sa coastal road, gipahimango-an nga dili hilabtan kung adunay makita nga vintage bomb

DAVAO CITY – Gipa-amping ug gipahimangyo ang mga residente doul sa gihimo nga coastal road sa Talomo nga dili hilabtan ang makalotan nga bomba.

Naalarma ang Explossive and Ordnance Division (EOD) human nga halos sunod-sunod nga nakakalot ug general purpose bomb ang backhoe sa Department of Public Works and Highways (DPWH).

Daku ang pagtuo sa mga bomb expert nga posibli nga iya sa mga Hapon ug Amerikano ang bomba nga gipanghulog atol sa ikaduhang gubat pangkalibotan ug moboto pa.

Kombensido ang mga residente nga salin sa ikaduhang gubat pangkalibotan gumikan kay nang mga baybayon sa Talomo usa sa mga nahimong pantalan sa mga sundalong Hapon atol sa ikaduhang gubat pangkalibotan.