DAVAO CITY – Mituo ang usa ka US citizen nga napalambo ni US President Donald Trump ang ekonomiya sa Amerika ug padayon pa kini nga mu-uswag pinaagi sa iyang ginapatuman nga lig-on nga mga polisiya sa gobyerno.
Kini ang gibuyag ni Mark Williams, US citizen nga taga Centennial, Colorado atol sa gihimong State of the Union Address ni Trump sa chamber of the United States House of Representatives. “I was impressed with President Trump’s State of the Union Address. I agree with his ideas on most of the topics he covered. I believe that Trump has improved the economy in America and his policies will continue to grow our economy”
Dugang pa niini nga mi-uyon usab siya sa gibutyag sa presidente nga kinahanglang respitohon ang US national anthem tungod kay daghanan nga mga professional athletes ang dili manindog atol sa pagpatugtog sa national anthem kung adunay mga sporting events.
Usa usab sa butang nga approved kaniya mao ang plano ni Presidente Trump nga iduso ang affordable health care alang sa tanan. “Another subject that I approved of was his plan to improve affordable health care in the states. Health care and medications are very expensive here. Most people can’t afford to pay for that. The President wants to make health care affordable to everyone”, dugang pa ni Mark Williams.
