DAVAO CITY – Padayon nga gi-reklamo sa mga aplikante ang pamaagi sa Professional Regulations Commission (PRC), diin kinahanglan pa sa mga aplikante nga mangadlawon sa gawas sa buhatan aron nga makapalista ug makakuha ug priority number.
Sumala sa aplikante nga napungot sila gumikan kay mga professional sila apan mapugos sa paghigda sa tugkaran sa opIsina atol sa kagabhi-on aron nga dili mabiya sa pagkuha sa mga priority numbers.
Kadaghanan kanila mga magtutudlo, ug angayan nga makakuha ug authentication ug board ratings aron nga makatrabaho sa DepEd aron nga makakuha ug plantilla possessions, samtang ang uban mo-apply alang sa examination for teachers.
Sa pag-abli sa opisina nahimong tensyonado ang tanan dihang dunay nahitabo nga siningitay sa linya ug gi-anunsyo nga paulion na lamang ang uban gumikan kay wala mahilakip sa PRC ang ilang katuyu-an.
Depensa PRC – 11 Director Josephine Villegas Liamson nga nakalitan sila sa pagdagsang sa mga aplikante gumikan kay application for Licensure Examination for Teachers ang ilang gihatagan ug pasi-unang pagtagad sa pagkakaron.
Dugang pa ni Liamson nga gawas sa authentication ug certification, ginaproseso sab nila ang uban nga mga transaksyon, hinoon kulang sab sila ug mga personahe ug wala’y over time pay ang ilang mga ginsakpan.
