DAVAO CITY – Namatikdan nga taas pa gihapon ang koleksyon sa Bureau of Customs Region 11 sa tuig 2017, bisan pa kung gipaubos sa Martial Law ang tibuok isla sa Mindanao.
Punterya lamang sa BOC – 11 nga makakolekta ug revenue nga 13.5 bilyones ka pesos sa 2017 apan miabot kini sa 16.4 bilyones ka pesos.
Pinasikad sa datus sa ahensya ang pagkusog sa importation process sa nasod ang nahimong hinongdan sa pagdaku karon sa koleksyon sa buhis.
Nag-una sa mga importers ang China, Korea, indonesia, Estados Unidos, Malaysia, Russian Federation, ug Japan. Top commodities by value ang Iron and Steel, Boilers, Machenery, Mechanical appliances, miscellaneous ug abono.
Sumala kang Atty. Erasto Sandino Austria, District Collector sa BOC Eleven, timailhan kini sa lagsik nga ekonomeya sa Mindanao bisan pa kung padayon nga mipatigbabaw ang martial law.
Dugang pa ni Austria nga milaum sab sila sa mas daku nga tax collection karong tuiga gumikan sa build, build, build sa kagamhanang Duterte ug sa pagpatuman sa TRAIN Law.
Gipasalig sa BOC Davao nga dili makalusot kanila ang mga illegal nga mga transaksyon gumikan kay mo-agi sa X-ray machine ang tanan nga mga kargamento.
