DAVAO CITY – Andam ang pipila ka mga residente sa Barangay 1-A ning syudad nga mobiya sa ilang mga pinuy-anan subay na usab sa kamanduan sa lokal mga kagamhanan sa dakbayan sa Dabaw, apan, sa kondisyon nga naa silay tarong nga kabalhinan.
Sumala pa ni Elisa Baldon, usa sa mga nag-puyo daplin sa Bolton River, pila ka tuig na usab silang nagpuyo sa maong delikadong lugar, apan wala silay mahimo gumikan kay wala silay laing lugar nga mabalhinan.
Hinuon kung ipaniguro ngadto kanila nga hatagan ug kabalhinan, sila na sumala pa ang mangunay sa pagpangguba sa ilang kabalayan.
Hinuon, daghan na sila ug nadungog labot sa relocation site sa Tacunan o kaha sa Los Amigos Tugbok ning syudad, apan alang kanila sobra kini ka layo gikan sa ilang kapanginabuhian. Sa karon, aduna nay gi-paskin ang DPWH nga plakards sa nahisgutang barangay nga mipahimangno sa mga residente nga delikado ang maong lugar sa posibling mga pagbaha ug angayan na sila mopahawa.
