DAVAO CITY – Gikatakdang ipahigayon bisan unsang adlawa sulod karong bulan sa enero ang groundbreaking ceremony alang sa bag-ong P40-million, four-storey Davao City Library.
Gikanayon ni Davao City Library head Pedrita Badar, sugdan na sa kontractor karong semana ang pagguba sa gambalay nga nahimutang sa kanhi central 911 building sa C. Bangoy Street, atbang sa Davao Light and Power Company.
Sumala pa ni Badar nga ang ground floor itagana sa mga persons with disabilities, mga bata ug mga senior citizens.
Matag andana magbaton usab sumala pa ug restrooms, ug ang building adunay elevator.
Aduna usab sumala pa bahin sa gambalay ang gitagana ang sa computer area. Sa kasamtangan nagbaton ang city library ug 10 ka mga computers ug nag-request usab sumala pa sila ug 20 alang sa itukod nga bag-ong building.
Gilauman nga hingpit matukod ang gambalay sa tuig 2019 diin ang nahisgutang proyekto ang gipunduhan sumala pa sa Philippine Amusement and Gaming Corporation (PAGCOR).
