Appliance store employee nag-sideline sa pagpamaligya ug druga gi-inquest na

DAVAO CITY – Naduso na ang kaso for summary inquest batok sa usa ka 19 anyos nga lalaki nga nadakpan sa gilusad nga drug buy bust operation sa mga sakop sa Digos PNP.

Naila ang dinakpan nga si Efren Romero Ekoy, ulitawo, sales boy sa usa ka department store ug residente sa Sitio Tubor Brgy. Guman Digos.

Matud pa sa kapulisan, bag-ong nalambigit pa lamang sa ginadili nga droga ang dinakpan.

Nadakpan si Ekoy sulod sa tindahan nga gi-alagaran niini sa Rizal Avenue Digos.

Nakuha sa iyang posisyon ang gamay nga pakete sa ginadili nga droga ingon man ang marked money nga P1,000.

Balhug karon sa presohan ang dinakpan ug naghulat na lamang nga maresolba ang kaso nga iyang gi-atubang.