DAVAO CITY – Luyo sa padayong nasinatian nga pagpangilkil sa mga rebeldeng New People’s Army (NPA) sa mga banana exporters, nanawagan ang Armed Forces of the Philippines sa mga nahisgutan nga dili mohatag ug salapi sa mga nahisgutan inay mas maayo sumala pa nga mag-invest sa pagpalambo sa ilang seguridad.
Matud pa kang 10th Infantry Division assistant division commander Brigadier General Bienvenido Datuin nga gisapinal na nila ang Memorandum of Agreement (MOA) tali sa Department of National Defense ug mga kompanya aron nga masolusyonan ang ilang reklamo ug aron makamugna ug maayong solusyon sa ilang problema sa mga komunista.
Kalakip matud pa sa MOA ang rekomendasyon ngadto sa mga establisymento training sa Cafgu Active Auxiliary II (CAA II) nga maoy mobantay sa mga kompanya nga biktima sa pagpangilkil sa New People’s Army (NPA).
Gikanayon ni Datuin nga bisan sumala pa nga magpadayon ang peace talks, dili pa gihapon moundang ang mga rebelde sa ilang illegal nga mga aktibidad ingon man pagpanghasi ngadto sa mga sibilyan ug sa mga nanag-iya ug kompanya.
Una ng nasayran sa opisyal nga anaa sa P1.5 billion extortion money ang makolekta sa mga rebelde gikan sa construction, mining, transportation ug agriculture companies matag tuig.
