DAVAO CITY – Gitino sa Davao City Water District (DCWD) nga subay sa ilang gipahigayon nga pagtuon, nakapasar sumala pa ang water quality sa Cabantian system ning siyudad.
Kini human ang pipila ka hagit sa mga konsehal ning siyudad ngadto sa mga DCWD officials nga luwas imnon ang dili maayong kolor sa tubig sa lugar.
Subay sa siyam ka panid sa data nga gisumite ni Hydie Maspinas, manager sa water quality division sa DCWD, wala sumala pa nagpositibo ang water sources sa Cabantian sa fecal coliform ug uban pang bacteria.
Gikanayong ‘Satisfactory,’ ang tanan nga mga eksaminasyon nga gipahigayon sa ahensiya sa bulan sa Hulyo subay sa gipahigayon ni Maria Anita Torrejos senior resources facilities technician sa DCWD ug Heidi Acero, senior laboratory technician.
Gani maayo sab sumala pa ang resulta sa water hydrands sa Green Heights ingon man ang water tankers.
Kahinumduman nga naalarma ang mga konsehal human ang reklamo sa mga residente sa Cabantian kalabot sa dili maayong kolor sa tubig nga gi-supply kanila.
