DAVAO CITY – Hapit mahunosi sa iyang kinabuhi ang usa ka lalaki human matigbasi samtang nag-inum-inum lamang sa ilang Aplaya Beach, Digos City. Naila ang biktima nga padayon karon nga gitambalan sa ang biktima nga naila nga usa ka Jake Francisco Boron, 35 anyos, residente sa Barangay Zone III, dakbayan sa Digos.
Nasayran nga pasado alas 5:00 ang takna sa hapon, samtang ang nahisgutan nga biktima naglingaw-lingaw lamang uban sa iyang mga barkada, ug nag-inum-inum sa Aplaya Beach, Digos City, gikalalis niini ang usa sa iyang gika-inum nga usa ka Joel Doron Pontilla, hamtong, residente sa Barangay Aplaya.
Nasayran nga atol sa ilang panaglalis kalit na lamang nga mikuha ug sundang ang nahisgutan nga suspek ug gitigbas ang biktima hinongdan nga naka-angkon kini ug duha ka mga samad tinigbasan sa iyang bukton ug sa likod nga bahin.
Dali nga miikyas ang nahisgutan nga suspetsado, samtang ang biktima gidali sab sa pagdala sa Davao del Sur Provincial Hospital. Natiayon ang pagpanigbas alas 5:45 ang takna sa hapon.
Padayon pa ang kapolisan sa ilang manhunt operation batok sa suspek sa nahisgutan nga pagpanigbas. Gikatakda nga iduso lamang karong adlawa ang kaso batok sa suspek.
