DAVAO CITY – Adunay nakitang lig-on nga basehan ang City Prosecutor’s Office aron nga pasakahan ug kaso ang usa ka lalaki human nga nasakpan kini nga naglili sa usa ka 15 anyos nga batang babaye kinsa naligo sa ilang panimalay sa Bankerohan ning dakbayan sa Davao.
Nag-atubang ug kasong Unjust Vexation si Almer Alonzaga Flores, nanimuyo usab sa nahisgutan nga dapit.
Pinasikad sa resolusyon ni prosecutor Imee Bisera-Mabale, aduna kini nakitang lig-on nga basehan aron nga pasakahan ang suspek pinasikad nga reklamo sa biktima.
Subay sa affidavit sa kinse anyos, namatikdan niini ang lalaki pinaagi sa bangag ug dihang iya kining gilili nakita niini si Flores.
Gikanayong wala sumala pay lain tawo nga nakita ang biktima gawas lamang sa suspek.
Una ng gibutyag sa piskalya nga bisan walay gihimo nga lakang si Flores nga makapasakit sa 15 anyos, apan nakahimo pa gihapon kini ug kalapasan sa balaud.
