DAVAO CITY – Gipanghimakak sa 60th Infantry Battalion (IB) sa Philippine Army ang akusasyon sa militanteng organisasyon nga ilegal nila nga gi-aresto ang duruha ka mag-uuma sa Compostela Valley.
Sumala kang Lieutenant Colonel Emmanuel Canilla, 60th IB commander, boluntaryo nga mitahan sa otoridad dala ang ilang mga armas ang mga mag-uuma nga sila si Kidjol Marcelo Antay Sr. ug asawa niini nga si Noeme.
Una sumala pa kini nga misurender sa Indigenous People (IP) leaders ayha gi-turn over sa kasundalohan dala ang ilang mga armas ug eksplosibo.
Gikanayong ang mag-asawa nga Antay aktibo nga miyembro sa Nagkahiusang Mag-uuma sa Laak nga gidala sa kampo sa 60th Battalion sa Doña Andrea Asuncion, Davao Del Norte.
Apan gilayon nga gipanghimakak ni Canilla ang alegasyon nga usa lamang kini ka propaganda sa mga komunista. Anaa karon sa kustodiya sa 60th IB ug gipailalom na kini sa verification process.
Gikanayong ang peace and development sa gobyerno padayon nga mag-awhag sa mga rebelde nga mobalik sa sabakan sa balaud.
