DAVAO CITY – Gipasanginlan na sa grupong Karapatan Southern Mindanao Region ang tropa sa kagamhanan nga nakalapas na sa tawhanong katungod sa katawhan human gi-deklara ang martial law sa Mindanao.
Sumala pa kang Jay Apiag, tigpamaba sa Karapatan SMR nga may kalabotan kini sa duha ka mga mag-uuma sa Maragusan, Compostela Valley Province nga gika-ingong gipangdakop sa mga sundalo niadtong Mayo 27 gumikan sa paghupot ug mga explosibo.
Sumala pa kang Apiag nga bisan kung suspendido ang peace talks, tali sa kagamhanan ug sa CPP-NDF moduso pa gihapon sila ug reklamo ngadto sa joint monitoring committee batok sa mga sakop sa 66th Infantry Battalion Philippine Army.
Awhag sa Karapatan kang Pangulong Rodrigo Duterte nga resolbahon dayon ang isyo gumikan kay nagtoo ang karapatan nga nangabuso na sa ilang gahum ang mga sundalo ubos sa Martial law.
