DAVAO CITY – Naglaom si Mayor Sara Duterte-Carpio nga magbaton ug future agreement tali sa lokal nga panggamhanan ug sa reclamation proponent Mega Harbour aron nga makahatag kini ug daghanang trabaho ug revenues sa siyudad.
Una ng gibutyag sa Mayor nga ang mga dokumento nga gikan sa City Mayor’s Office ang gisumite na sa National Economic Development Authority (Neda).
Bisan tuod nga dili siya pabor sa maong proyekto, apan wala na matud pa siya’y mahimo niini sanglit ang joint venture agreement gilagdaan na kaniadto tali sa kompanya ug ni kanhi Mayor Rodrigo Duterte.
Sa kasamtangan, padayon pa nga gitun-an sa Neda ang project documents samtang ang developer nga Mega Harbour ang nagpadayon usab sa ilang proseso sa pag-asikaso sa mga rekisitos ngadto sa mga nagkadaiyang ahensiya sa kagamhanan.
