DAVAO CITY – Batan-on nga sakop sa New People’s Army (NPA) mitahan sa tropa sa kagamhanan dala ang mga armas ug mga bala. Usa ka Junie Mamburao, alyas Ariel ug Junjun, baynte sais anyos, sakop sa PSRL most quanta 16, sakop sab sa Front Committee 34 -SMRC ug SRC 4-SMRC.
Ang surrenderer residente sa Sitio Aninipot, Barangay Gupitan, Kapalong, Davao del Norte nga boluntaryo nga mi-surrender nga dunay dala nga high powered firearms ug uban pa nga mga war materials ngadto kang 1Lt. Renan Sainin Roldan, sa 60th IB Philippine Army sa Sitio Patil, Gupitan, Kapalong, Davao del Norte, diin ditto sab maglihok ang mitahan nga sakop sa rebeldeng NPA.
Nasayran nga si Mamburao mi-surren der pinaagi sa hini-usang paningkamot nila ni Corporal Lito Masaloon, ug Corporal Rodrigo Binoy sa Philippine Army ug CAA Ricky Ansaylo nga nadistino sa Patil CAA Detachment ug sa 72nd Infanatry Battalion ug sakop sa 10th Infantry Division Philippine Army.
Si alyas Junie gi-turn-over sab dayon bitbit ang iyang armas. Kuyog niya sila si Datu Laris Masaloon, Datu Aurelio Matol Masaloon, ug Datu Ongking Masaloon, Datu Benjamin Alot Sulatan nga mao ang nakiglambigit sa kasundalohan.
Bitbit sa mi-surrender nga NPA ang AK 47 nga armas nga nagdala sa Serial Number nga 59832, usa ka improvised nga Granada, duha ka mga link ammunition nga M60 nga dunay singkwenta ka mga buhi ngha mga bala, ug upat ka mga AK47 magazine, nga dunay 44 ka mga buhi nga mga bala.
Nag-awhag karon si 10th ID Commander Major Gen. Rafael Valencia ngadto sa mga gipangkapoy na sa kabukiran nga motahan na lamang sa sabakan sa kagamhanan.
Ubos sa programa sa kagamhanan makadawat ug livelihood ang mga rebelde nga motahan balik sa sabakan sa kagamhanan, labi na ang dunay mabitbit nga mga armas.
