DAVAO CITY – Milampus ang tropa sa 67th Infantry Battalion, nga mihatag seguirdad sa Aliwagwag Falls Eco Park sa pagpanalipod batok ngadto sa pagpangatake sa mga rebeldeng New People’s Army (NPA) nga milungtad ug halos usa ka oras sa Barangay Aliwagwag, Cateel, Davao Oriental 4:30 kaganinang kaadlawon.
Usa ka sundalo ang samdon atol sa nahisgutan nga pagpangatake.
Naka-recover ang tropa sa kagamhanan ug usa ka M14 rifle nga nabiya-an sa miikyas nga mga rebeldeng NPA.
Ang outnumbered nga tropa sa kagamhanan misukol ngadto sa misulong nga mga kwarenta ka mga mi-atake nga mga NPA nga naghimutang sa nagkada-iya nga mga posisyon palibot sa patrol base sulod sa 45 minutos sa wala pa mi- reposition sa ilang alternate battle position.
Milunsad ug counter-attack, ang tropa nga nakapugos sa mga NPA sa pag-ikyas nga biniya-an ang ilang M14 rifle nga na-recover sa tropa sa kagamhanan.
Ang mga residente sa dapit mitaho nga nakakita sa pundok sa mga rebeldeng NPA nga nagdayon sa ilang patay nga duha ka mga kaubanan ug sa pipila ka mga samdon nga mga kaubanan.
Gipahimutang gilayon ang police ug military checkpoints samtang nagpadayon ang pursuit operations batok sa mga miikyas nga mga rebelde.
Ang nasamdan nga sundalo dali sab dayon nga gidala sa doul lamang nga balay tambalanan. Gidayeg ni Major General Rafael Valencia, 10ID commander, ang kaisog sa sa tropa sa kagamhanan batok sa mga rebeldeng NPA nga miikyas gikan sa dapit human masuta nga pilde sila batok sa tropa sa kagamhanan.
Sumala pa ni Major Gen. Valencia nga ang pagpan gatake sa mga NPA tataw nga pagbaliwala sa kaluwasan sa katawhan ug sa tinubdan sa panginabuhi-an, pinaagi sa pagpakita sa anti-people ug anti-development character sa nuisance propaganda army (NPA) sa mga komunista.
