Patay’ng lawas sa NPA na-claim na sa iyang kabanay

DAVAO CITY – Na-claim na ang patay nga lawas sa gikatahapan nga sakop sa rebeldeng New People’s Army (NPA) nga napatay sa engkwentro tali sa NPA ug sa 3rd Infantry Battalion sa Barangay Suwawan, Marilog District ning dakbayan sa Davao.

Mga upat ka adlaw sab nga wala’y claimant ang nahisgutan nga patay, apan kagabii, mipatim-aw ang nagpailang igsuon sa NPA sa Angel Funeral Homes.

Naila ang napatay nga usa ka Patricio Andab, 34 anyos, nga residente sa Magpet, North Cotabato.

Ang mga mi-claim sa patay mao sila si Karen ug ang ig-agaw niini nga usa ka Arnold.

Gidala na ang patay nga lawas sa biktima sa Magpet, North Cotabato kagabii.