-- ADVERTISEMENT --
DAVAO CITY – Gipangunahan ni Davao del sur Governor Douglas Cagas ang paghatag ug ayuda ngadto sa mga mag-uuma partikular na sa Brgy. Alegria, Bansalan, Davao del Sur.
Kaabag sab niini ang office of the provincial agriculture sa pagtunol ug 20 ka sako sa seedlings sa mais diin gidawat sab kini Barangay Kapitan Renante Cagape.
Laraw niini nga matabangan ang mga residente sa lugar partikular na kadtong mga mag-uuma nga apektado sa nahitabong bakbakan tali sa mga rebelde ug kasundalohan ilabi na sa Sitio Mabuhay sakop sa maong lalawigan.
Tunga-on matud pa ang nahisgutan nga mga semilya sa mga nagkadaiyang Barangay ug sa mga mag-uuma aron nga makasugod gilayon ang mga nahisgutan sa ilang pagpananom.
