-- ADVERTISEMENT --
DAVAO CITY – Masaligon si Police Regional Office (PRO) – 11 Director Police Chief Supt. Manuel Gaerlan nga daku ug tabang sa kapolisan ang tabang sa lokal nga kagamhanan nga mga motorsiklo alang sa pagpalambo pa sa visibility ug pagresponde sa kapolisan sa mga alarma, labot sa krimen ug sa mga illegal nga mga binuhatan.
Daku ang pagtuo ni Gaerlan nga ang tabang sa mga LGUs sa mga kalungsuran, dakbayan ug mga lalawigan mas mopakusog sa katakus sa kapolisan sa pagpanalipod sa mga sibilyan ug sa pagmintina sa kahusay ug kalinaw sa matag dapit sa rehiyon.
Gipahigayon sa kasamtangan ang dugang pagbansay sa kapolisan, isip pamaagi aron nga mas mapalambo ang ilang katakus sa paghupot sa ilang gimbuhaton alang sa kalinaw.
