DAVAO CITY – Plano sa City Tourism Office nga palambuon ug paninduton ang Sta. Ana wharf aron mahimo kining usa ka baywalk area. Matud pa kang Generose Tecson, city tourism officer, mismong si City Mayor Sara Duterte ang nagmando nga paninduton ang maong wharf ilabi na nga maka-benepisyo ang mga island hoppers, divers, ug mga bisita. Ang beautification project isumite sumala pa sa Tourism Infrastructure and Enterprise Zone Authority apan sa kasamtangan, dili pa mabutyag kung pila nga pundo ang magamit alang niini. Kalakip sumala pa sa maong plano ang pagpahimutang ug “islands” pipila ka metro ang gitas-on sa main floor sanglit ang nahisgutan nga wharf delikado sa baha ilabi na kung high tide.
Laoman sab nga adunay ipahimutang nga mga Food stalls ug souvenir shops sa maong isla. Gikanayong ang inisyal nga plano alang sa pagpanindot sa Sta. Ana wharf ang pagasugdan sa Mayo 2017.
Kaabag sa City Tourism sa maong proyekto ang City Environment and Natural Resources Office, City Engineering Office, City Economic Enterprise, ug City Administration for Operations Office.
Samtang gitino sab ni Tecson nga walay residente sa lugar nga maapektohan sa higayon nga sugdan ang pagpanindto sa Wharf kini tungod wala sumala pay nanimuyo sa sulod sa nga bahin niini.
